مه دل بیقراره،کی بونه بهار                     بل و بلوره بوریم روار

قدم بزنیم جاده ششروار                        خوندش بلبل و شرشر تلار

ته برو سه بن، یکه یتیم وار                      من شومبه مقیم، تیناری تینار

بلو بزنیم لته و لتار                                 تیم اودکنیم ، بهیریم تیمجار

اون خنه ، اون جینگا ، این باغ و سه دار       بوی دلتنگی ، بوی جان مار

کو مه جان عمو ، کو مه جان مار               رضاجانه لار و ممد جان سالار

آقه جان مه پر ، رزمنده برار                     جایش خالیه ، اون شیر شکار

ونگه وا نیه ، چاکه تا شوار                      راهی بهینه ، اون سه تا برار


..........................................

همش گمبه ددا مه دله ونه                    قد بلن بالا مه دله ونه
ته سروته صدا مه دله ونه                      ته نمازو دعا مه دله ونه
اون لته و لتکا مه دله ونه                       ته بوکله پلا مه دله ونه
اینا هیچی بابا مه دله ونه                      فرامرز اون ریکا مه رله ونه

شاعر : رضا حسین حسنی